waqt-e-aKHir yaad hai saqi ki mehmani mujhe

Muztar Khairabadi

waqt-e-aKHir yaad hai saqi ki mehmani mujhe

Muztar Khairabadi

MORE BYMuztar Khairabadi

    vaqt-e-āḳhir yaad hai saaqī mehmānī mujhe

    marte marte de diyā añgūr paanī mujhe

    vo mirī sūrat to dekheñ apnī sūrat ke liye

    kaash ā.īna banā de merī hairānī mujhe

    kaT gayā hai vasl se pahle zamāna umr

    haa.e dhokā de gayā bahtā huā paanī mujhe

    dāman-e-sahrā se lūñgā mar ke vahshat meñ kafan

    ik nayā joḌā pinhā.egī ye uryānī mujhe

    mere gul ko apne phuul le andalīb

    aise kāñToñ se nahīñ fāñseñ nikalvānī mujhe

    tum agar chāho to miTTī se abhī paidā hoñ phuul

    maiñ agar māñgūñ to dariyā bhī na de paanī mujhe

    tishna-kāmī is ko kahte haiñ ki bahr-e-ishq meñ

    maiñ agar utrūñ to uupar pheñk de paanī mujhe

    aisī mushkil tum ne Daalī hai ki jab mar jā.ūñgā

    muddatoñ royā karegī merī āsānī mujhe

    ne itnī ki mai-ḳhvārī hasrat bah ga.ī

    maiñ ne itnī ki āḳhir ho ga.ī paanī mujhe

    rone jaatā huuñ maiñ apnī hasratoñ ke Dher par

    be-kasī aa kar sikhā de marsiya-ḳhvānī mujhe

    hashr meñ chalnā paḌegā ek TeḌhā rāsta

    kūcha-e-jānāñ sikhā de Thokareñ khānī mujhe

    'muztar' apne haq ke kāñTe chun ke maiñ ruḳhsat huā

    aur kyā detī bahār-e-gulshan-e-fānī mujhe

    waqt-e-aKHir yaad hai saqi ki mehmani mujhe

    marte marte de diya angur ka pani mujhe

    wo meri surat to dekhen apni surat ke liye

    kash aaina bana de meri hairani mujhe

    kaT gaya hai wasl se pahle zamana umr ka

    hae dhoka de gaya bahta hua pani mujhe

    daman-e-sahra se lunga mar ke wahshat mein kafan

    ek naya joDa pinhaegi ye uryani mujhe

    mere gul ko la ya apne phul le ja andalib

    aise kanTon se nahin fansen nikalwani mujhe

    tum agar chaho to miTTi se abhi paida hon phul

    main agar mangun to dariya bhi na de pani mujhe

    tishna-kaami is ko kahte hain ki bahr-e-ishq mein

    main agar utrun to upar phenk de pani mujhe

    aisi mushkil tum ne Dali hai ki jab mar jaunga

    muddaton roya karegi meri aasani mujhe

    tu ne itni di ki mai-KHwari ki hasrat bah gai

    main ne itni pi ki aaKHir ho gai pani mujhe

    rone jata hun main apni hasraton ke Dher par

    be-kasi aa kar sikha de marsiya-KHwani mujhe

    hashr mein chalna paDega ek TeDha rasta

    kucha-e-jaanan sikha de Thokaren khani mujhe

    'muztar' apne haq ke kanTe chun ke main ruKHsat hua

    aur kya deti bahaar-e-gulshan-e-fani mujhe

    Source :
    • Book : Khirman  (Part-11) (Pg. 39)
    • Author : Muztar Khairabadi
    • Publication : Javed Akhtar (2015)
    • Edition : 2015
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY