unhin logon ki badaulat ye hasin achchhe hain

Muztar Khairabadi

unhin logon ki badaulat ye hasin achchhe hain

Muztar Khairabadi

MORE BYMuztar Khairabadi

    unhīñ logoñ badaulat ye hasīñ achchhe haiñ

    chāhne vaale in achchhoñ se kahīñ achchhe haiñ

    kūcha-e-yār se yārab na uThānā ham ko

    is bure haal meñ bhī ham to yahīñ achchhe haiñ

    na koī daaġh na dhabbā na harārat na tapish

    chāñd-sūraj se bhī ye māh-jabīñ achchhe haiñ

    koī achchhā nazar aa jaa.e to ik baat bhī hai

    yuuñ to parde meñ sabhī parda-nashīñ achchhe haiñ

    tere ghar aa.eñ to īmān ko kis par chhoḌeñ

    ham to ka.abe meñ ai dushman-e-dīñ achchhe haiñ

    haiñ maze husn-o-mohabbat ke inhīñ ko hāsil

    āsmāñ vāloñ se ye ahl-e-zamīñ achchhe haiñ

    ek ham haiñ ki jahāñ jaa.eñ bure kahlā.eñ

    ek vo vo haiñ ki jahāñ jaa.eñ vahīñ achchhe haiñ

    kūcha-e-yār se mahshar meñ bulātā hai ḳhudā

    kah do 'muztar' ki na ā.eñge yahīñ achchhe haiñ

    unhin logon ki badaulat ye hasin achchhe hain

    chahne wale in achchhon se kahin achchhe hain

    kucha-e-yar se yarab na uThana hum ko

    is bure haal mein bhi hum to yahin achchhe hain

    na koi dagh na dhabba na hararat na tapish

    chand-suraj se bhi ye mah-jabin achchhe hain

    koi achchha nazar aa jae to ek baat bhi hai

    yun to parde mein sabhi parda-nashin achchhe hain

    tere ghar aaen to iman ko kis par chhoDen

    hum to kabe hi mein ai dushman-e-din achchhe hain

    hain maze husn-o-mohabbat ke inhin ko hasil

    aasman walon se ye ahl-e-zamin achchhe hain

    ek hum hain ki jahan jaen bure kahlaen

    ek wo wo hain ki jahan jaen wahin achchhe hain

    kucha-e-yar se mahshar mein bulata hai KHuda

    kah do 'muztar' ki na aaenge yahin achchhe hain

    Source:

    • Book : Khirman (Part-1) (Pg. 261)
    • Author : Muztar Khairabadi
    • Publication : Javed Akhtar (2015)
    • Edition : 2015
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY