ilaj-e-dard-e-dil tum se masiha ho nahin sakta
ilāj-e-dard-e-dil tum se masīhā ho nahīñ saktā
tum achchhā kar nahīñ sakte maiñ achchhā ho nahīñ saktā
adū ko chhoḌ do phir jaan bhī māñgo to hāzir hai
tum aisā kar nahīñ sakte to aisā ho nahīñ saktā
abhī marte haiñ ham jiine kā ta.ana phir na denā tum
ye ta.ana un ko denā jin se aisā ho nahīñ saktā
tumheñ chāhūñ tumhāre chāhne vāloñ ko bhī chāhūñ
mirā dil pher do mujh se ye jhagḌā ho nahīñ saktā
dam-e-āḳhir mirī bālīñ pe majma.a hai hasīnoñ kā
farishta maut kā phir aa.e pardā ho nahīñ saktā
na barto un se apnā.iyat ke tum bartāv ai 'muztar'
parāyā maal in bātoñ se apnā ho nahīñ saktā
ilaj-e-dard-e-dil tum se masiha ho nahin sakta
tum achchha kar nahin sakte main achchha ho nahin sakta
adu ko chhoD do phir jaan bhi mango to hazir hai
tum aisa kar nahin sakte to aisa ho nahin sakta
abhi marte hain hum jine ka tana phir na dena tum
ye tana un ko dena jin se aisa ho nahin sakta
tumhein chahun tumhaare chahne walon ko bhi chahun
mera dil pher do mujh se ye jhagDa ho nahin sakta
dam-e-aKHir meri baalin pe majma hai hasinon ka
farishta maut ka phir aae parda ho nahin sakta
na barto un se apnaiyat ke tum bartaw ai 'muztar'
paraya mal in baaton se apna ho nahin sakta
Source:
Khirman (Part-1) (Pg. 90)
- Author: Muztar Khairabadi
-
- Edition: 2015
- Publisher: Javed Akhtar
- Year of Publication: 2015
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
