tu mujhe kis ke banane ko miTa baiTha hai

tū mujhe kis ke banāne ko miTā baiThā hai

maiñ koī ġham to nahīñ thā jise khā baiThā hai

baat kuchh ḳhaak nahīñ thī jo uḌaa.ī tū ne

tiir kuchh aib nahīñ thā jo lagā baiThā hai

mel kuchh khel nahīñ thā jo bigāḌā tū ne

rabt kuchh rasm nahīñ thā jo ghaTā baiThā hai

aañkh kuchh baat nahīñ thī jo jhukā.ī tū ne

ruḳh koī raaz nahīñ thā jo chhupā baiThā hai

naam armān nahīñ thā jo nikālā tū ne

ishq afvāh nahīñ thā jo uḌā baiThā hai

laag kuchh aag nahīñ thī jo lagā dī tū ne

dil koī ghar to nahīñ thā jo jalā baiThā hai

rasm kāvish to nahīñ thī jo miTā dī tū ne

haath parda to nahīñ thā jo uThā baiThā hai

tu mujhe kis ke banane ko miTa baiTha hai

main koi gham to nahin tha jise kha baiTha hai

baat kuchh KHak nahin thi jo uDai tu ne

tir kuchh aib nahin tha jo laga baiTha hai

mel kuchh khel nahin tha jo bigaDa tu ne

rabt kuchh rasm nahin tha jo ghaTa baiTha hai

aankh kuchh baat nahin thi jo jhukai tu ne

ruKH koi raaz nahin tha jo chhupa baiTha hai

nam arman nahin tha jo nikala tu ne

ishq afwah nahin tha jo uDa baiTha hai

lag kuchh aag nahin thi jo laga di tu ne

dil koi ghar to nahin tha jo jala baiTha hai

rasm kawish to nahin thi jo miTa di tu ne

hath parda to nahin tha jo uTha baiTha hai