دل کی دہلیز پہ جب شام کا سایہ اترا

افق درد سے سینے میں اجالا اترا

اشکوں میں پرو کے اس کی یادیں

پانی پہ کتاب لکھ رہا ہوں

کچھ نہ کچھ تو ہوتا ہے اک ترے نہ ہونے سے

ورنہ ایسی باتوں پر کون ہاتھ ملتا ہے

سب امیدیں مرے آشوب تمنا تک تھیں

بستیاں ہو گئیں غرقاب تو دریا اترا

یاد یاراں دل میں آئی ہوک بن کر رہ گئی

جیسے اک زخمی پرندہ جس کے پر ٹوٹے ہوئے

اے خدا انسان کی تقسیم در تقسیم دیکھ

پارساؤں دیوتاؤں قاتلوں کے درمیاں

تشنہ کاموں کو یہاں کون سبو دیتا ہے

گل کو بھی ہاتھ لگاؤ تو لہو دیتا ہے

شہر نا پرساں میں کچھ اپنا پتہ ملتا نہیں

بام و در روشن ہیں لیکن راستہ ملتا نہیں

دنیا کہاں تھی پاس وراثت کے ضمن میں

اک دین تھا سو اس پہ لٹائے ہوئے تو ہیں