āshiq kī bhī hastī hai duniyā meñ ajab hastī

zinda hai to rusvā hai mar jaa.e to afsāna

aashiq ki bhi hasti hai duniya mein ajab hasti

zinda hai to ruswa hai mar jae to afsana

zindagī kā saaz bhī kyā saaz hai

baj rahā hai aur be-āvāz hai

zindagi ka saz bhi kya saz hai

baj raha hai aur be-awaz hai

lai na TuuTe zindagī ke saaz kī

zindagī āvāz hī āvāz hai

lai na TuTe zindagi ke saz ki

zindagi aawaz hi aawaz hai

zabt-e-ġham vufūr-e-shauq aur dil-e-nā-subūr-e-ishq

mujh ko to hai ġhurūr-e-ishq aap ko naaz ho na ho

zabt-e-gham wufur-e-shauq aur dil-e-na-subur-e-ishq

mujh ko to hai ghurur-e-ishq aap ko naz ho na ho

chheḌiye sāz-e-zindagī naġhma-navāz ho na ho

aah to kar ke dekhiye soz meñ saaz ho na ho

chheDiye saz-e-zindagi naghma-nawaz ho na ho

aah to kar ke dekhiye soz mein saz ho na ho