نام سید محمد جعفر اور حیات تخلص تھا۔ ۱۹۱۲ء میں امروہہ میں پیدا ہوئے۔ ان کی تعلیم کا آغاز سید المدارس سے شروع ہوا جہاں علوم مشرقیہ کی تعلیم دی جاتی تھی۔ رئیس امروہوی ان کے ہم سبق تھے۔ ایک ماہ نامہ’’حیات‘‘ امروہہ سے نکالا جو کچھ عرصے بعد بند ہوگیا۔ اس کے بعد ذریعہ معاش کے لیے میرٹھ آگئے جہاں دارالعلوم منصبیہ میں ملازمت کے ساتھ مزید تعلیم حاصل کی۔ کچھ عرصہ مدرس کے فرائض بھی انجام دیے۔ انھیں شعروشاعری سے لڑکپن سے شوق تھا۔ کمال امروہوی اور دیگر دوستوں کی ایما پر بمبئی چلے گئے جہاں کئی فلموں کے گانے لکھے۔ فلم’’پکار‘‘ کے گانے انھی کے لکھے ہوئے ہیں جو بہت مقبول ہوئے۔ عین شباب میں ۱۶؍ اکتوبر۱۹۴۶ء کو امروہہ میں انتقال کرگئے۔ بحوالۂ:پیمانۂ غزل(جلد دوم)،محمد شمس الحق،صفحہ:38