ba.az aise haiñ churā lete haiñ mazmūñ sher ke

aur kah lete haiñ apnā sher Daakā Daal kar

baz aise hain chura lete hain mazmun sher ke

aur kah lete hain apna sher Daka Dal kar

europī rañg is qadar chhāyā tabī.at par mirī

pahle to 'ismat' thā maiñ ab goldsmith ho gayā

europi rang is qadar chhaya tabiat par meri

pahle to 'ismat' tha main ab goldsmith ho gaya

har jagah chorī kā charchā har jagah hai lūT-mār

din-dahāḌe luT rahā hai har taraf fard-e-bashar

har jagah chori ka charcha har jagah hai luT-mar

din-dahaDe luT raha hai har taraf fard-e-bashar

jo safāyā qaum kā kar de vahī leader hai aaj

ho safā.ī haath meñ jis ke vo hai ahl-e-hunar

jo safaya qaum ka kar de wahi leader hai aaj

ho safai hath mein jis ke wo hai ahl-e-hunar