maiñ ne bas itnā hī likhā i-love-you aur phir

us ne aage kar diyā thā gaal internet par

main ne bas itna hi likha i-lowe-you aur phir

us ne aage kar diya tha gal internet par

na hoñ paise to istiqbāliyoñ se kuchh nahīñ hogā

kisī shā.er ko ḳhālī tāliyoñ se kuchh nahīñ hogā

na hon paise to istiqbaaliyon se kuchh nahin hoga

kisi shaer ko KHali taliyon se kuchh nahin hoga

bhuuk taḳhlīq kā talent baḌhā detī hai

peT ḳhālī ho to ham sher nayā kahte haiñ

bhuk taKHliq ka talent baDha deti hai

peT KHali ho to hum sher naya kahte hain

do chaar din se merī samā.at block thī

tum ne ġhazal paḌhī to mirā kaan khul gayā

do chaar din se meri samaat block thi

tum ne ghazal paDhi to mera kan khul gaya

kaisā ajiib aayā hai is saal kā bajaT

murġhī kā jo bajaT hai vahī daal kā bajaT

kaisa ajib aaya hai is sal ka bajaT

murghi ka jo bajaT hai wahi dal ka bajaT

jo tum parfum meñ Dupkī lagā kar roz aatī ho

fazā tum se mo.attar hai havā meñ kuchh nahīñ rakkhā

jo tum parfum mein Dupki laga kar roz aati ho

faza tum se moattar hai hawa mein kuchh nahin rakkha

jo luġhat ko toḌ-maroḌ de jo ġhazal ko nasr se joḌ de

maiñ vo bad-mazāq-e-suḳhan nahīñ vo jadīdiyā koī aur hai

jo lughat ko toD-maroD de jo ghazal ko nasr se joD de

main wo bad-mazaq-e-suKHan nahin wo jadidiya koi aur hai

election phir vo zil-hijj ke mahīne meñ karā.eñge

to kyā do daañt ke voter kī phir qurbāniyāñ hoñgī

election phir wo zil-hijj ke mahine mein karaenge

to kya do dant ke woter ki phir qurbaniyan hongi

ġhazal paḌhne se bilkul actor ma.alūm hotā hai

baḌhī haiñ is qadar zulfeñ 'jigar' ma.alūm hotā hai

ghazal paDhne se bilkul actor malum hota hai

baDhi hain is qadar zulfen 'jigar' malum hota hai

ab ghar ke darīche meñ aa.egī havā kaise

aage bhī plāzā hai pīchhe bhī plāzā hai

ab ghar ke dariche mein aaegi hawa kaise

aage bhi plaza hai pichhe bhi plaza hai

garmī jo aa.ī ghar kā havā-dān khul gayā

sāhil pe jab gayā to har insān khul gayā

garmi jo aai ghar ka hawa-dan khul gaya

sahil pe jab gaya to har insan khul gaya

na jis se pyaas bujh paa.e vo ''K-M-C'' kā nal tum ho

haqīqat ye hai merī ġhair-matbūa ġhazal tum ho

na jis se pyas bujh pae wo K-M-C ka nal tum ho

haqiqat ye hai meri ghair-matbua ghazal tum ho

ġhazal kahtā hai DaT ke masnavī bil-azm kahtā hai

dimāġh is kā ulaT jaa.e to nasrī nazm kahtā hai

ghazal kahta hai DaT ke masnawi bil-azm kahta hai

dimagh is ka ulaT jae to nasri nazm kahta hai

numā.ish is tarah shā.ir ne bachchoñ kī lagā.ī hai

ki jaise us ke majmūe kī rasm-e-rū-numā.ī hai

numaish is tarah shair ne bachchon ki lagai hai

ki jaise us ke majmue ki rasm-e-ru-numai hai

kisī tajrabe kī talāsh meñ mirā aqd-e-sānavī ho gayā

mirī ahliya ko ḳhabar nahīñ mirī ahliya koī aur hai

kisi tajrabe ki talash mein mera aqd-e-sanawi ho gaya

meri ahliya ko KHabar nahin meri ahliya koi aur hai

T.v kā ye mazāq adīboñ ke saath hai

shā.er se dugnā rakh diyā qavvāl kā bajaT

Tw ka ye mazaq adibon ke sath hai

shaer se dugna rakh diya qawwal ka bajaT

na.ī bahroñ meñ ye misroñ ke pech-o-ḳham banātā hai

ye ġhazleñ an-ginat likhtā hai bachche kam banātā hai

nai bahron mein ye misron ke pech-o-KHam banata hai

ye ghazlen an-ginat likhta hai bachche kam banata hai

abas hai un se ik chiḌiyā ke bachche kī vilādat bhī

ki in fashion-zada ghar-vāliyoñ se kuchh nahīñ hogā

abas hai un se ek chiDiya ke bachche ki wiladat bhi

ki in fashion-zada ghar-waliyon se kuchh nahin hoga

mire abbā ne is ko daad dī nāzuk-ḳhayālī kī

mirī ammāñ ko kahtā hai musaddas hai ye 'hālī' kī

mere abba ne is ko dad di nazuk-KHayali ki

meri amman ko kahta hai musaddas hai ye 'haali' ki

bichhḌe the jab ye log mahīna thā june kā

sohnī banā rahī thī mahīñvāl kā bajaT

bichhDe the jab ye log mahina tha june ka

sohni bana rahi thi mahinwal ka bajaT

biktī hai ab kitāb bhī cassette ke rate pe

kaise banegā 'ġhālib' o 'iqbāl' kā bajaT

bikti hai ab kitab bhi cassette ke rate pe

kaise banega 'ghaalib' o 'iqbaal' ka bajaT