baat hoti hai pas-e-chakwal internet par

baat hotī hai pas-e-chakvāl internet par

nāziya suljhā rahī hai baal internet par

saas haiñ āmāda-e-dast-o-garebāñ in dinoñ

ġhībateñ min-jānib-e-sasurāl internet par

aaj bad-baḳhtī se jis ḳhush-baḳht kā shauhar huuñ maiñ

is ko ḳhat likkhā thā pichhle saal internet par

maiñ ne bas itnā hī likhā i-love-you aur phir

us ne aage kar diyā thā gaal internet par

ab hamāre she'r sunñe par koī raazī nahīñ

mil ga.e jis roz se qavvāl internet par

shukriya email ke ustād terā shukriya

ban ga.ī vo shā.era is saal internet par

ḳhālid-e-irfān terī kyā zarūrat hai ki jab

'mīr' internet par 'iqbāl' internet par

baat hoti hai pas-e-chakwal internet par

naziya suljha rahi hai baal internet par

sas hain aamada-e-dast-o-gareban in dinon

ghibaten min-jaanib-e-sasural internet par

aaj bad-baKHti se jis KHush-baKHt ka shauhar hun main

is ko KHat likkha tha pichhle sal internet par

main ne bas itna hi likha i-lowe-you aur phir

us ne aage kar diya tha gal internet par

ab hamare she'r sunne par koi raazi nahin

mil gae jis roz se qawwal internet par

shukriya email ke ustad tera shukriya

ban gai wo shaera is sal internet par

KHalid-e-irfan teri kya zarurat hai ki jab

'mir' internet par 'iqbaal' internet par