ishq kī fitrat ne yuuñ badlā mazāq-e-zindagī

jitne ġham baḌhne lage utnī ḳhushī hone lagī

ishq ki fitrat ne yun badla mazaq-e-zindagi

jitne gham baDhne lage utni KHushi hone lagi

ishq kī allāh re fitna-kāriyāñ

pāk-dāman chāk-dāman ho ga.e

ishq ki allah re fitna-kariyan

pak-daman chaak-daman ho gae

mirā aanā jahāñ meñ munhasir thā tiin bātoñ par

jafā sahnā vafā karnā aur us ke baad mar jaanā

mera aana jahan mein munhasir tha tin baaton par

jafa sahna wafa karna aur us ke baad mar jaana

parda hai ik baqā kā rāz-e-fanā na pūchho

mar kar bhī saath ham se chhūTā na zindagī kā

parda hai ek baqa ka raaz-e-fana na puchho

mar kar bhi sath hum se chhuTa na zindagi ka

jalā āshiyāñ jab se dil mutma.in hai

na bijlī kā ḳhatra na dhaḌkā ḳhizāñ kā

jala aashiyan jab se dil mutmain hai

na bijli ka KHatra na dhaDka KHizan ka