mujtama gar meri aahon ka dhuan ho jaega

mujtam.a gar merī aahoñ kā dhuāñ ho jā.egā

āsmāñ ik aur zer-e-āsmāñ ho jā.egā

ik jahannam hai nihāñ siine meñ zaa.e.a kar na tiir

aate aate dil talak jal kar dhuāñ ho jā.egā

un ke aage haal merā dāvar-e-mahshar na pūchh

mil ga.iiñ nazreñ to kuchh kā kuchh bayāñ ho jā.egā

ḳhaak ho ke phir bhī kaam aa.egā merā dāġh-e-dil

shām-e-ġhurbat meñ charāg-e-kārvāñ ho jā.egā

apne markaz kī taraf har chiiz kartī hai rujūa

tinkā tinkā kar ke ik din āshiyāñ ho jā.egā

mujtama gar meri aahon ka dhuan ho jaega

aasman ek aur zer-e-asman ho jaega

ek jahannam hai nihan sine mein zaea kar na tir

aate aate dil talak jal kar dhuan ho jaega

un ke aage haal mera dawar-e-mahshar na puchh

mil gain nazren to kuchh ka kuchh bayan ho jaega

KHak ho ke phir bhi kaam aaega mera dagh-e-dil

sham-e-ghurbat mein charag-e-karwan ho jaega

apne markaz ki taraf har chiz karti hai rujua

tinka tinka kar ke ek din aashiyan ho jaega