پیاس کو پیار کرنا تھا کیول

ایک اکھشر بدل نہ پائے ہم

بھلا دیا ہے جو تو نے تو کچھ ملال نہیں

کئی دنوں سے مجھے بھی ترا خیال نہیں

بغیر پوچھے مرے سر میں بھر دیا مذہب

میں روکتا بھی تو کیسے کہ میں تو بچہ تھا

مرا سایہ مرے بس میں نہیں ہے

مگر دنیا پہ دعویٰ کر رہا ہوں

کس کو فرصت ہے جو حرفوں کی حرارت سمجھائے

بات آسانی تک آئے تو سبھی تک پہنچے

بیٹھے بیٹھے کا سفر صرف ہے خوابوں کا فتور

جسم دروازے تک آئے تو گلی تک پہنچے

اب ہواؤں کے دام کھلنے ہیں

خوشبوؤں کا تو ہو چکا سودا

ہم تو اس کے ذہن کی عریانیوں پر مر مٹے

داد اگرچہ دے رہے ہیں جسم اور پوشاک پر

نئے سفر کا ہر اک موڑ بھی نیا تھا مگر

ہر ایک موڑ پہ کوئی صدائیں دیتا تھا

پرسوں میں بازار گیا تھا درپن لینے کی خاطر

کیا بولوں دوکان پہ ہی میں شرم کے مارے گڑ بیٹھا

کچھ بھنور یوں اچٹ پڑے تھے جیوں

خودکشی پر ہو کوئی آمادہ