dam jo niklā to mudda.ā niklā

ek ke saath dūsrā niklā

dam jo nikla to muddaa nikla

ek ke sath dusra nikla

dil nazr karo zulm saho naaz uThāo

ai ahl-e-tamannā ye haiñ arkān-e-tamannā

dil nazr karo zulm saho naz uThao

ai ahl-e-tamanna ye hain arkan-e-tamanna

jaane ko jaa.e fasl-e-gul aane ko aa.e har baras

ham ġham-zadoñ ke vāste jaise chaman vaise qafas

jaane ko jae fasl-e-gul aane ko aae har baras

hum gham-zadon ke waste jaise chaman waise qafas

mujh ko nazroñ ke laḌāne se hai kaam

aap ko āñkheñ dikhāne se ġharaz

mujh ko nazron ke laDane se hai kaam

aap ko aankhen dikhane se gharaz

vo ḳhudā.ī kar rahe the jab ḳhudā hone se qabl

to ḳhudā jaane kareñge kyā ḳhudā hone ke ba.ad

wo KHudai kar rahe the jab KHuda hone se qabl

to KHuda jaane karenge kya KHuda hone ke baad