بس لہو کی بوند تھی احساس میں

پھر اگایا دشت نے اک سر نیا

کسی نے ہم کو عطا نہیں کی ہماری گردش ہے اپنی گردش

خود اپنی مرضی سے اس جہاں کی رگوں میں گرداب ہم ہوئے ہیں

بعد میں رکھے سرابوں کے دیاروں میں قدم

پہلے وہ سانس کی سرحد پہ تو آ کر دیکھے

یہیں پر ختم ہونی چاہیئے تھی ایک دنیا

یہیں سے بات کا آغاز ہونا چاہیئے تھا

خدا کی خموشی میں شاید ہو اس کا وجود

زمانہ ہوا نام اپنا پکارے ہوئے

کبھی تو منظروں کے اس طلسم سے ابھر سکوں

کھڑا ہوں دل کی سطح پر خود اپنے انتظار میں

زمین پھیل گئی ہے ہماری روح تلک

جہاں کا شور اب اندر سنائی دیتا ہے