ye to nahīñ ki ḳhvāb meñ duniyā badal ga.ī

bedār jab hue to tasavvur nayā milā

ye to nahin ki KHwab mein duniya badal gai

bedar jab hue to tasawwur naya mila

be-kasī ke dard ne lau dī jal uTThā ik charāġh

rafta rafta us se phir saarā jahāñ raushan huā

be-kasi ke dard ne lau di jal uTTha ek charagh

rafta rafta us se phir sara jahan raushan hua

ik jast meñ to koī na pahuñchā kamāl tak

ik umr sar khapā ke hī jo kuchh milā milā

ek jast mein to koi na pahuncha kamal tak

ek umr sar khapa ke hi jo kuchh mila mila