مشہور شاعر رفعت سروش کی بیٹی ہیں۔ شاعرہ اور مصنفہ ہیں۔
تعلیم:ایم اے اردو، ایم اے انگلش، ایم ایڈ، پی ایچ ڈی۔ درس و تدریس سے وابستہ رہیں۔ سرکاری ملازمت کے دوران اپنی تعلیمی خدمات کے لئے دہلی سرکار کی طرف سے اندرا ایوارڈ اور اردو اکادمی دہلی کی طرف سے بہترین پرنسپل کے اعزاز سے نوازی گئیں۔
ایک شعری مجموعہ ’’گذر گاہ خیال‘‘ شائع ہو چکا ہے۔
’’اردو اوپیرا‘‘ ان کی اہم نثری تصنیف ہے۔ ’’اثاثہ‘‘ کے نام سے رفعت سروش کی شاعری کو دو جلدوں میں مرتب کیا ہے اور ان کی شخصیت اور فن پر ایک کتاب ’’نذر رفعت‘‘ شائع کی ہے۔