پہلے تو چھین لی مری آنکھوں کی روشنی

پھر آئینے کے سامنے لایا گیا مجھے

شجر نے لہلہا کر اور ہوا نے چوم کر مجھ کو

تری آمد کے افسانے سنائے جھوم کر مجھ کو

اور کچھ بھی مجھے درکار نہیں ہے لیکن

میری چادر مرے پیروں کے برابر کر دے

گنوائے بیٹھے ہیں آنکھوں کی روشنی شاہدؔ

جہاں پناہ کا انصاف دیکھنے والے

تجھ کو دیکھا نہیں محسوس کیا ہے میں نے

آ کسی دن مرے احساس کو پیکر کر دے

بجھتی ہوئی سی ایک شبیہ ذہن میں لیے

مٹتی ہوئی ستاروں کی صف دیکھتے رہے

وہی سفاک ہواؤں کا صدف بنتے ہیں

جن درختوں کا نکلتا ہوا قد ہوتا ہے

خوف سے اب یوں نہ اپنے گھر کا دروازہ لگا

تیز ہیں کتنی ہوائیں اس کا اندازہ لگا

رونے سے اور لطف وفاؤں کا بڑھ گیا

سب ذائقہ پھلوں میں نئے پانیوں کا ہے