un se 'sharar' kuchh aise bichhḌe

jīvan kā har sapnā bikhrā

un se 'sharar' kuchh aise bichhDe

jiwan ka har sapna bikhra

mere hī ḳhuun meñ nahlā ke 'sharar'

vo salīboñ pe sajā degā mujhe

mere hi KHun mein nahla ke 'sharar'

wo salibon pe saja dega mujhe

ahl-e-ḳhirad ko sauñp na duniyā kī bāg-Dor

kār-e-zamāna ahl-e-junūñ ko sañbhāl de

ahl-e-KHirad ko saunp na duniya ki bag-Dor

kar-e-zamana ahl-e-junun ko sanbhaal de

kyā thī vo dair-o-haram kī duniyā

jo bhī duniyā kā ḳhudā thā kyā thā

kya thi wo dair-o-haram ki duniya

jo bhi duniya ka KHuda tha kya tha

dushvārī-e-hayāt ko dushvār-tar banā

jis kā javāb ban na paḌe vo savāl de

dushwari-e-hayat ko dushwar-tar bana

jis ka jawab ban na paDe wo sawal de

maiñ samajhtā huuñ zamāne kā mizāj

vo banā.egā miTā degā mujhe

main samajhta hun zamane ka mizaj

wo banaega miTa dega mujhe

bujh ga.ī māthe kī ek ek shikan

ḳhālī hāthoñ kā muqaddar dekho

bujh gai mathe ki ek ek shikan

KHali hathon ka muqaddar dekho

kyā thā hamrāh ḳhayāloñ kī tarah

saaya sā saath chalā thā kyā thā

kya tha hamrah KHayalon ki tarah

saya sa sath chala tha kya tha

be-hisī vo hai ki is daur meñ jiine kā mazā

na gunāhoñ meñ rahā aur na savāboñ meñ rahā

be-hisi wo hai ki is daur mein jine ka maza

na gunahon mein raha aur na sawabon mein raha

naqsh-e-tahayyur chehra chehra

husn-e-karāmat joban joban

naqsh-e-tahayyur chehra chehra

husn-e-karamat joban joban

aa.ina dekh ke jiine vaalo

daur-e-hāzir ke bhī tevar dekho

aaina dekh ke jine walo

daur-e-hazir ke bhi tewar dekho

maslahat thī koī vo chup the agar

bolne vaale to khul kar bolte

maslahat thi koi wo chup the agar

bolne wale to khul kar bolte

kuchh na hone kā gumāñ thā phir bhī

kuchh to hone ko huā thā kyā thā

kuchh na hone ka guman tha phir bhi

kuchh to hone ko hua tha kya tha

jhuuT thā jo bhī kiyā thā maiñ ne

aur jo tum ne kahā thā kyā thā

jhuT tha jo bhi kiya tha main ne

aur jo tum ne kaha tha kya tha

us sitam pesha kā e.ajāz-e-sitam hī hogā

dast-e-qātil ko agar dast-e-masīhā likkhūñ

us sitam pesha ka eajaz-e-sitam hi hoga

dast-e-qatil ko agar dast-e-masiha likkhun

dil kī āvāra-mizājī kā gilā kyā kiije

ḳhāna-barbād rahā ḳhāna-ḳharāboñ meñ rahā

dil ki aawara-mizaji ka gila kya kije

KHana-barbaad raha KHana-KHarabon mein raha