ḳhud se farār itnā āsān bhī nahīñ hai

saa.e kareñge pīchhā koī kahīñ se nikle

KHud se farar itna aasan bhi nahin hai

sae karenge pichha koi kahin se nikle

tujhe shanāḳht nahīñ hai mire lahū kī kyā

maiñ roz sub.h ke aḳhbār se nikaltā huuñ

tujhe shanaKHt nahin hai mere lahu ki kya

main roz subh ke aKHbar se nikalta hun

tumhāre ḳhvāb lauTāne pe sharminda to haiñ lekin

kahāñ tak itne ḳhvāboñ kī nigahbānī kareñge ham

tumhaare KHwab lauTane pe sharminda to hain lekin

kahan tak itne KHwabon ki nigahbani karenge hum

itnā nuur kahāñ se lā.ūñ tārīkī ke is jangal meñ

do jugnū hī paas the apne jin ko sitāra kar rakkhā hai

itna nur kahan se laun tariki ke is jangal mein

do jugnu hi pas the apne jin ko sitara kar rakkha hai

miyāñ bāzār ko sharminda karnā kyā zarūrī hai

kahīñ is daur meñ tahzīb ke zevar badalte haiñ

miyan bazar ko sharminda karna kya zaruri hai

kahin is daur mein tahzib ke zewar badalte hain