koī shikva koī gila de de

mujh ko jiine kā hausla de de

koi shikwa koi gila de de

mujh ko jine ka hausla de de

bevafā.ī kā mujhe ilzām detā thā vo shaḳhs

maiñ ne bhī itnā kiyā bas us ko sachchā kar diyā

bewafai ka mujhe ilzam deta tha wo shaKHs

main ne bhi itna kiya bas us ko sachcha kar diya

ḳhud ko bachā.ūñ jism sambhālūñ ki ruuh ko

bikhrā huā hai dard yahāñ se vahāñ talak

KHud ko bachaun jism sambhaalun ki ruh ko

bikhra hua hai dard yahan se wahan talak

itnā na duur jaao ki jiinā muhāl ho

yuuñ bhī na paas aao ki dam hī nikal paḌe

itna na dur jao ki jina muhaal ho

yun bhi na pas aao ki dam hi nikal paDe

dil meñ tūfān nahīñ aañkh meñ sailāb nahīñ

aise jiine se to behtar thā ki mar hī jaate

dil mein tufan nahin aankh mein sailab nahin

aise jine se to behtar tha ki mar hi jate

kyā hamsarī kī ham se tamannā kare koī

ham ḳhud bhī apne qad ke barābar na ho sake

kya hamsari ki hum se tamanna kare koi

hum KHud bhi apne qad ke barabar na ho sake

vo itnī shiddatoñ se sochtā hai

ki jaise maiñ bhī koī mas.ala huuñ

wo itni shiddaton se sochta hai

ki jaise main bhi koi masala hun

toḌe baġhair sañg tarāshe na jā.eñge

vo dil hī kyā jo TuuT ke patthar na ho sake

toDe baghair sang tarashe na jaenge

wo dil hi kya jo TuT ke patthar na ho sake

bikharte TūTte lamhoñ meñ aisā lagtā hai

mirā gumān hai tū aur tirā qayās huuñ maiñ

bikharte TuTte lamhon mein aisa lagta hai

mera guman hai tu aur tera qayas hun main

dil meñ rah rah ke shor uThtā hai

koī rahtā hai is makān meñ kyā

dil mein rah rah ke shor uThta hai

koi rahta hai is makan mein kya

sadā-e-dil ko kahīñ bāryāb honā thā

mire savāl kā kuchh to javāb honā thā

sada-e-dil ko kahin baryab hona tha

mere sawal ka kuchh to jawab hona tha