dard kā silsila hai jahāñ tak

dil kī jāgīr hogī vahāñ tak

dard ka silsila hai jahan tak

dil ki jagir hogi wahan tak

ik qayāmat hai aap kā va.ada

chaliye ye bhī azaab ho jaa.e

ek qayamat hai aap ka wada

chaliye ye bhi azab ho jae

ḳhuun jab ashk meñ Dhaltā hai ġhazal hotī hai

jab bhī dil rañg badaltā hai ġhazal hotī hai

KHun jab ashk mein Dhalta hai ghazal hoti hai

jab bhi dil rang badalta hai ghazal hoti hai

lutf-e-sohbat matā-e-ulfat hai

kuchh kaho aur kuchh suno pyāre

lutf-e-sohbat mata-e-ulfat hai

kuchh kaho aur kuchh suno pyare

nām-levā tumhārā hai 'tarzī'

aadmī kī tarah milo pyāre

nam-lewa tumhaara hai 'tarzi'

aadmi ki tarah milo pyare