aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

ai watan ai watan

Abdul Mannan Tarzi

ai watan ai watan

Abdul Mannan Tarzi

MORE BYAbdul Mannan Tarzi

    ai vatan ai vatan ai hamāre vatan

    phuul ham haiñ tire hamārā chaman

    terī azmat pe haiñ jān-o-dil se ḳhudā

    āsmāñ jhuk ke parcham tirā chūmtā

    ai vatan apnī jannat hai kūcha tirā

    ḳhushbū ham aur nargis-o-tastaran

    ai vatan ai vatan ai hamāre vatan

    phuul ham haiñ tire hamārā chaman

    ham haiñ fasl-e-bahār aur gulistāñ

    agar āsmāñ hai to ham kahkashāñ

    shāḳh-e-gul agar hai to ham āshiyāñ

    gul-andoz-o-gul-fām aur gul-badan

    ai vatan ai vatan ai hamāre vatan

    phuul ham haiñ tire hamārā chaman

    ai vatan ḳhaak terī hai ḳhāk-e-shifā

    chāñd-sūraj hai zarra zarra tirā

    giit gaatī hai terā mauj-e-sabā

    paañv dhote haiñ dariyā-e-gañg-o-jaman

    ai vatan ai vatan ai hamāre vatan

    phuul ham haiñ tire hamārā chaman

    sar pe dastār tere himāla banā

    choTī kailāsh maañg Tiika tirā

    ai vatan husn-e-kashmīr chehra tirā

    sub.h-e-kāshī o shām-e-avadh pairahan

    ai vatan ai vatan ai hamāre vatan

    phuul ham haiñ tire hamārā chaman

    ai vatan hai duā salāmat rahe

    apnī āñkhoñ meñ misl-e-jannat rahe

    ham ko tujh se hamesha mohabbat rahe

    hai nasrīn-o-lāl-o-sarv-o-saman

    ai vatan ai vatan ai hamāre vatan

    phuul ham haiñ tire hamārā chaman

    ai watan ai watan ai hamare watan

    phul hum hain tere tu hamara chaman

    teri azmat pe hain jaan-o-dil se KHuda

    aasman jhuk ke parcham tera chumta

    ai watan apni jannat hai kucha tera

    KHushbu hum aur tu nargis-o-tastaran

    ai watan ai watan ai hamare watan

    phul hum hain tere tu hamara chaman

    hum hain fasl-e-bahaar aur tu gulistan

    tu agar aasman hai to hum kahkashan

    shaKH-e-gul tu agar hai to hum aashiyan

    tu gul-andoz-o-gul-fam aur gul-badan

    ai watan ai watan ai hamare watan

    phul hum hain tere tu hamara chaman

    ai watan KHak teri hai KHak-e-shifa

    chand-suraj sa hai zarra zarra tera

    git gati hai tera hi mauj-e-saba

    panw dhote hain dariya-e-gang-o-jaman

    ai watan ai watan ai hamare watan

    phul hum hain tere tu hamara chaman

    sar pe dastar tere himala bana

    choTi kailash ki mang Tika tera

    ai watan husn-e-kashmir chehra tera

    subh-e-kashi o sham-e-awadh pairahan

    ai watan ai watan ai hamare watan

    phul hum hain tere tu hamara chaman

    ai watan hai dua tu salamat rahe

    apni aankhon mein tu misl-e-jannat rahe

    hum ko tujh se hamesha mohabbat rahe

    tu hai nasrin-o-lal-o-sarw-o-saman

    ai watan ai watan ai hamare watan

    phul hum hain tere tu hamara chaman

    Videos
    This video is playing from YouTube

    Videos
    This video is playing from YouTube

    Abdul Mannan Tarzi

    Abdul Mannan Tarzi

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now