husn kī devī banī baiThī haiñ dil hai but-kada

chand muslim laḌkiyoñ ne ham ko hindū kar diyā

husn ki dewi bani baiThi hain dil hai but-kada

chand muslim laDkiyon ne hum ko hindu kar diya

zillat se to behtar hai ki ik jang laḌo tum

yuuñ haar bhī jāoge to buzdil na rahoge

zillat se to behtar hai ki ek jang laDo tum

yun haar bhi jaoge to buzdil na rahoge

kaho husn-e-jamāl-yār se ye itnī saj-dhaj kyoñ

bharī barsāt meñ paudoñ ko paanī kaun detā hai

kaho husn-e-jamal-yar se ye itni saj-dhaj kyon

bhari barsat mein paudon ko pani kaun deta hai

ḳhūñ-bahā dete haiñ zālim taḳht paane ke liye

log kitnā gir ga.e ḳhud ko uThāne ke liye

KHun-baha dete hain zalim taKHt pane ke liye

log kitna gir gae KHud ko uThane ke liye

hamāre jitne bachche the parinde ho ga.e saare

ye vo ghar hai jahāñ par ab koī bachcha nahīñ rahtā

hamare jitne bachche the parinde ho gae sare

ye wo ghar hai jahan par ab koi bachcha nahin rahta