dil meñ jab se dekhtā hai vo tirī tasvīr ko

nuur barsātā hai apnī chashm-e-tar se āftāb

dil mein jab se dekhta hai wo teri taswir ko

nur barsata hai apni chashm-e-tar se aaftab

bāda-e-ḳhum-e-ḳhāna-e-tauhīd kā mai-nosh huuñ

chuur huuñ mastī meñ aisā be-ḳhud-o-mad.hosh huuñ

baada-e-KHum-e-KHana-e-tauhid ka mai-nosh hun

chur hun masti mein aisa be-KHud-o-madhosh hun

zikr se rindoñ ke vaa.iz tū abhī vāqif nahīñ

ye to hū-haq kī sadā hai shor-e-rindāna nahīñ

zikr se rindon ke waiz tu abhi waqif nahin

ye to hu-haq ki sada hai shor-e-rindana nahin