نادیہ عنبر لودھی (پیدائش: 23 جولائی 1980، اسلام آباد) ایک ممتاز شاعرہ، مضمون نگار، کالم نگار، نقاد، افسانہ نگار اور مدیرہ ہیں۔ انہوں نے پنجاب یونیورسٹی لاہور سے ایم اے اردو کی ڈگری حاصل کی۔ ان کی تخلیقات ملک و بیرونِ ملک کے معتبر ادبی جرائد جیسے بیاض، ادب لطیف، چہار سو، سائبان، دیدبان، انشاء، تسطیر اور نیرنگِ خیال میں شائع ہوتی رہی ہیں، جبکہ وہ ماہانہ ڈائجسٹوں میں پاپولر فکشن بھی لکھتی ہیں۔
وہ گزشتہ ایک دہائی سے خبریں مانچسٹر (یو کے) سے بطور ریذیڈنٹ مدیرہ وابستہ ہیں اور ملکی و بین الاقوامی اخبارات میں ان کے کالم باقاعدگی سے شائع ہوتے ہیں۔ ان کی تصنیفات میں “شبِ غم کا جوش” (منتخب کالمز) شامل ہے۔ نادیہ عنبر لودھی اردو ادب میں اپنی ہمہ جہت ادبی خدمات کے باعث ایک نمایاں مقام رکھتی ہیں۔