har ik shikast-e-tamannā pe muskurāte haiñ

vo kyā kareñ jo musalsal fareb khāte haiñ

har ek shikast-e-tamanna pe muskuraate hain

wo kya karen jo musalsal fareb khate hain

kisī ke vāda-e-sabr-āzmā kī ḳhair ki ham

ab e'tibār kī had se guzarte jaate haiñ

kisi ke wada-e-sabr-azma ki KHair ki hum

ab e'tibar ki had se guzarte jate hain

rañg-o-bū ke parde meñ kaun ye ḳhirāmāñ hai

har nafas mo.attar hai har nazar ġhazal-ḳhvāñ hai

rang-o-bu ke parde mein kaun ye KHiraman hai

har nafas moattar hai har nazar ghazal-KHwan hai

jaise nizām-e-dahr pe ho dastaras unheñ

zulfeñ khulī udhar ki idhar raat ho ga.ī

jaise nizam-e-dahr pe ho dastaras unhen

zulfen khuli udhar ki idhar raat ho gai

taġhāful ik hasīñ dhoka hai nāseh

mohabbat āzmā.ī jā rahī hai

taghaful ek hasin dhoka hai naseh

mohabbat aazmai ja rahi hai

vo kam-nazar haiñ jo dete haiñ sham' ko ilzām

ḳhud apnī aag meñ jaltā hai aap parvāna

wo kam-nazar hain jo dete hain sham' ko ilzam

KHud apni aag mein jalta hai aap parwana

dil kī bisāt kyā hai nigāhoñ kā zikr kyā

suunī paḌī hai anjuman-e-jāñ tire baġhair

dil ki bisat kya hai nigahon ka zikr kya

suni paDi hai anjuman-e-jaan tere baghair

muddateñ guzrī haiñ tark-e-ārzū ko phir bhī 'rāz'

aaj tak ik naqsh-e-hasrat dil ke ā.īne meñ hai

muddaten guzri hain tark-e-arzu ko phir bhi 'raaz'

aaj tak ek naqsh-e-hasrat dil ke aaine mein hai

iz.hār-e-shauq 'arz-e-vafā sajda-e-niyāz

vo sāmne jo aa.eñ to kyā kyā na kījiye

izhaar-e-shauq 'arz-e-wafa sajda-e-niyaz

wo samne jo aaen to kya kya na kijiye

'rāz' kyā kahiye abhī tak lutf kyoñ jiine meñ hai

yādgār-e-‘ishq-e-rafta ik ḳhalish siine meñ hai

'raaz' kya kahiye abhi tak lutf kyon jine mein hai

yaadgar-e-‘ishq-e-rafta ek KHalish sine mein hai

dil kī be-kaifiyoñ ko kyā kiije

fasl-e-gul hai magar bahār nahīñ

dil ki be-kaifiyon ko kya kije

fasl-e-gul hai magar bahaar nahin

rukte nahīñ haiñ pā-e-jihat-āshnā kahīñ

manzil bhī ek sang-e-nishāñ rah-guzar meñ hai

rukte nahin hain pa-e-jihat-ashna kahin

manzil bhi ek sang-e-nishan rah-guzar mein hai

vo kyā chhuTe hayāt ke 'unvāñ badal ga.e

duniyā samajh rahī hai abhī jī rahā huuñ maiñ

wo kya chhuTe hayat ke 'unwan badal gae

duniya samajh rahi hai abhi ji raha hun main

'rāz' mere she'r haiñ afsāna mere 'ishq kā

dāstān-e-zindagī hai shā'irī kaahe ko hai

'raaz' mere she'r hain afsana mere 'ishq ka

dastan-e-zindagi hai sha'iri kahe ko hai

lahore rashk-e-gulshan-e-firdaus hai magar

be-rang-o-be-nashāt hai ai jaañ tire baġhair

lahore rashk-e-gulshan-e-firdaus hai magar

be-rang-o-be-nashat hai ai jaan tere baghair

rukte nahīñ haiñ pā-e-jihat-āshnā kahīñ

manzil bhī ek sang-e-nishāñ rah-guzar meñ hai

rukte nahin hain pa-e-jihat-ashna kahin

manzil bhi ek sang-e-nishan rah-guzar mein hai

allah-re iltifāt-o-nadāmat kī sāzisheñ

nazreñ milīñ talāfī-e-māfāt ho ga.ī

allah-re iltifat-o-nadamat ki sazishen

nazren milin talafi-e-mafat ho gai

kyā mujhe un ke taġhāful meñ bhī lutf aane lagā

aaj ye kyā hai taġhāful meñ kamī kaahe ko hai

kya mujhe un ke taghaful mein bhi lutf aane laga

aaj ye kya hai taghaful mein kami kahe ko hai

iz.hār-e-shauq 'arz-e-vafā sajda-e-niyāz

vo sāmne jo aa.eñ to kyā kyā na kījiye

izhaar-e-shauq 'arz-e-wafa sajda-e-niyaz

wo samne jo aaen to kya kya na kijiye

agar sun le to nāseh 'ishq ho jaa.e mohabbat se

kuchh is andāz ke khaa.e haiñ dhoke 'umr bhar maiñ ne

agar sun le to naseh 'ishq ho jae mohabbat se

kuchh is andaz ke khae hain dhoke 'umr bhar main ne

ab na vo saaqī na vo mahfil na rangīñ sohbateñ

zahr ke kuchh ghūñT haiñ ye mai-kashī kaahe ko hai

ab na wo saqi na wo mahfil na rangin sohbaten

zahr ke kuchh ghunT hain ye mai-kashi kahe ko hai

tark-e-ta'alluqāt ko muddat guzar ga.ī

uf re hayāt phir bhī jiye jā rahā huuñ maiñ

tark-e-ta'alluqat ko muddat guzar gai

uf re hayat phir bhi jiye ja raha hun main

vo sajda jis se bū aatī hai zāhid hūr-o-ġhilmāñ kī

fareb-e-bandagī kahiye ḳhudā kī bandagī kyoñ ho

wo sajda jis se bu aati hai zahid hur-o-ghilman ki

fareb-e-bandagi kahiye KHuda ki bandagi kyon ho

ḳhud kiyā tark-e-ta'alluq ham se

ḳhud hī ranjūr hue jaate haiñ

KHud kiya tark-e-ta'alluq hum se

KHud hi ranjur hue jate hain

un ke baġhair niiñd kahāñ chashm-e-shauq meñ

ye aur baat hai ki basar raat ho ga.ī

un ke baghair nind kahan chashm-e-shauq mein

ye aur baat hai ki basar raat ho gai

ḳhud apnī tajallī ḳhud apnī nigāheñ

mohabbat meñ guzre haiñ ye bhī zamāne

KHud apni tajalli KHud apni nigahen

mohabbat mein guzre hain ye bhi zamane

husn kī bārgāh meñ jhuum ke 'rāz' paḌh ġhazal

fikr-e-rasā ke saath saath tarbiyat-e-jigar bhī hai

husn ki bargah mein jhum ke 'raaz' paDh ghazal

fikr-e-rasa ke sath sath tarbiyat-e-jigar bhi hai

maiñ charāġh-e-rahguzar huuñ har musāfir ke liye

bād-e-sarsar ho ki tūfāñ raat bhar jalnā mujhe

main charagh-e-rahguzar hun har musafir ke liye

baad-e-sarsar ho ki tufan raat bhar jalna mujhe

mirī samt manzil ko baḌhte jo dekhā

mirā saath chhoḌā mire rahnumā ne

meri samt manzil ko baDhte jo dekha

mera sath chhoDa mere rahnuma ne

hashr tak ab koī parde meñ rahe

ham hī mansūr hue jaate haiñ

hashr tak ab koi parde mein rahe

hum hi mansur hue jate hain

ab tavajjoh hī nahīñ un kī to kyā rang-e-hayāt

muft kā ilzām hai ye zindagī kaahe ko hai

ab tawajjoh hi nahin un ki to kya rang-e-hayat

muft ka ilzam hai ye zindagi kahe ko hai

ai kaash justujū hī rahe hāsil-e-hayāt

'ishq-o-talab kī maut hai takmīl-e-ārzū

ai kash justuju hi rahe hasil-e-hayat

'ishq-o-talab ki maut hai takmil-e-arzu