سلگ رہا ہے چمن میں بہار کا موسم

کسی حسین کو آواز دو خدا کے لیے

پوچھتا کوئی نہیں پڑھتا مجھے ہر ایک ہے

جیسے منٹوؔ کا کوئی بدنام افسانہ ہوں میں

کل رات جس کو چاند سمجھتے رہے تھے ہم

کنگن اچھل گیا تھا کسی نازنین کا

ترا کردار کتنا مختلف ہے

تری تاریخ تیری داستاں سے

مدت سے خامشی ہے چلو آج مر چلیں

دو چار دن تو گھر میں ذرا انجمن رہے

ہنسئے چراغ اجالیے پودے لگائیے

کچھ حوصلہ بڑھائیے بوڑھی زمین کا

میں فقیر ہوں دعا ہے

مرے پاس اور کیا ہے

سجدہ کہاں لگا ہے ہماری جبین کا

چرچا ہے پھر فلک پہ ترے در نشین کا

مرے تو پھول بھی تم ہو صبا بھی خوشبو بھی

نہیں ہو تم تو نہیں میرے کام کا موسم

تمہارے بالوں سے گالوں سے کھیلتا موسم

میں دیکھتا ہی رہا اور گزر گیا موسم

آپ حیراں کیوں ہیں میری آنکھ سے دیکھیں اسے

یہ مرے البم کی سب سے دل نشیں تصویر ہے

آیا تھا سن کے شہر میں دولت کی ریل پیل

کل مل میں کٹ کے مر گیا بیٹا کسان کا

میری وفا ہے میری زمیں سے جڑی ہوئی

پہلا سبق ہے میرا وطن میرے دین کا

کتاب عشق لکھ رکھی ہے دل پر

مگر ڈرتا ہوں پھر بھی امتحاں سے

یہ مرا الہام ہے وہ مری تدبیر ہے

میں نہ جنوں کا اسیر میں نہ خرد کا غلام

ایک ہم تینوں میں مر جائے تو چھپ جائے گی

لکھ تو رکھی ہے تری پریم کہانی میں نے

یہ خوبی ہے کہ نا خوبی مگر میں

الگ چلتا ہوں اپنے کارواں سے

کہ جیسے صحن گلستاں میں پیار کا موسم

کھلی جو آنکھ تمہاری تو کھل گیا موسم

کبھی اترا نہیں جو آسماں سے

وفا اترے گی اس دل پر کہاں سے

شباب تم سے کرے گا جو تم نے ہم سے کیا

تمہارا حسن بھی نکلے گا بے وفا موسم

اس ڈر سے روک رکھے ہیں آنسو سعیدؔ نے

آنچل نہ بھیگ جائے کسی گل جبین کا