chāñd se tujh ko jo de nisbat so be-insāf hai

chāñd ke muñh par haiñ chhā.īñ terā mukhḌā saaf hai

chand se tujh ko jo de nisbat so be-insaf hai

chand ke munh par hain chhain tera mukhDa saf hai

muddat se ḳhvāb meñ bhī nahīñ niiñd kā ḳhayāl

hairat meñ huuñ ye kis kā mujhe intizār hai

muddat se KHwab mein bhi nahin nind ka KHayal

hairat mein hun ye kis ka mujhe intizar hai

kapḌe safed dho ke jo pahne to kyā huā

dhonā vahī jo dil kī siyāhī ko dhoiye

kapDe safed dho ke jo pahne to kya hua

dhona wahi jo dil ki siyahi ko dhoiye

itnā maiñ intizār kiyā us kī raah meñ

jo rafta rafta dil mirā bīmār ho gayā

itna main intizar kiya us ki rah mein

jo rafta rafta dil mera bimar ho gaya

tere aane se yū ḳhushī hai dil

juuñ ki bulbul bahār kī ḳhātir

tere aane se yu KHushi hai dil

jun ki bulbul bahaar ki KHatir