قید کرتا ہوں حسرتیں دل میں

پھر انہیں خودکشی سکھاتا ہوں

تجھ کو ہو میرے لمس کی خواہش شدید تر

تجھ سے تمام عمر مرا سامنا نہ ہو

سنتا رہتا ہوں تو وہ کچھ بھی کہے جاتا ہے

اس کو لگتا ہے کہ معیار یہی ہے اپنا

ہوس نہ پوری ہوئی جب کہیں تو علم ہوا

ترے بدن کا رہا مجھ کو آسرا بڑی دیر

اب وہ اچھا مجھے پسند نہیں

جو برا بھی قبول ہوتا تھا

مرے خمیر پہ ساری ہی صرف ہو گئی تھی

پھر اس کے بعد اداسی نئی بنائی گئی

خوشبوؤں کا نزول ہوتا تھا

پہلے پتا بھی پھول ہوتا تھا

پھر تری مختاریٔ عالم کا کیا

میں نے تجھ سے کچھ نہیں مانگا اگر

مرتے وقت فرشتہ بولے

کیمرہ دیکھ کے ہاتھ ہلائیں

میں وہ پتھر ہوں کہ وحشت میں اٹھا کر جس کو

بے سبب یوںہی کہیں پھینک دیا جاتا ہے

ہم دعا کو ہاتھ اٹھائے گڑگڑاتے رہ گئے

تم نے طنزاً بھی اگر کچھ بات کی پوری ہوئی