aa hi gaya wo mujhko lahad mein utarne
aa hī gayā vo mujh ko lahad meñ utārne
ġhaflat zarā na kī mire ġhaflat-shi.ār ne
o be-nasīb din ke tasavvur se ḳhush na ho
cholā badal liyā hai shab-e-intizār ne
ab tak asīr-e-dām-e-fareb-e-hayāt huuñ
mujh ko bhulā diyā mire parvardigār ne
nauhagaroñ ko bhī hai galā baiThne kī fikr
jaatā huuñ aap apnī ajal ko pukārne
dekhā na kārobār-e-mohabbat kabhī 'hafīz'
fursat kā vaqt hī na diyā kārobār ne
aa hi gaya wo mujh ko lahad mein utarne
ghaflat zara na ki mere ghaflat-shiar ne
o be-nasib din ke tasawwur se KHush na ho
chola badal liya hai shab-e-intizar ne
ab tak asir-e-dam-e-fareb-e-hayat hun
mujh ko bhula diya mere parwardigar ne
nauhagaron ko bhi hai gala baiThne ki fikr
jata hun aap apni ajal ko pukarne
dekha na karobar-e-mohabbat kabhi 'hafiz'
fursat ka waqt hi na diya karobar ne
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
