aag ke darmiyan se nikla

Shakeb Jalali

aag ke darmiyan se nikla

Shakeb Jalali

MORE BYShakeb Jalali

    aag ke darmiyān se niklā

    maiñ bhī kis imtihān se niklā

    phir havā se sulag uThe patte

    phir dhuāñ gulsitān se niklā

    jab bhī niklā sitāra-e-ummīd

    kohr ke darmiyān se niklā

    chāñdnī jhāñktī hai galiyoñ meñ

    koī saaya makān se niklā

    ek sho.ala phir ik dhueñ lakīr

    aur kyā ḳhāk-dān se niklā

    chāñd jis āsmān meñ Duubā

    kab usī āsmān se niklā

    ye guhar jis ko āftāb kaheñ

    kis añdhere kaan se niklā

    shukr hai us ne bevafā.ī

    maiñ kaḌe imtihān se niklā

    log dushman hue usī ke 'shakeb'

    kaam jis mehrbān se niklā

    aag ke darmiyan se nikla

    main bhi kis imtihan se nikla

    phir hawa se sulag uThe patte

    phir dhuan gulsitan se nikla

    jab bhi nikla sitara-e-ummid

    kohr ke darmiyan se nikla

    chandni jhankti hai galiyon mein

    koi saya makan se nikla

    ek shoala phir ek dhuen ki lakir

    aur kya KHak-dan se nikla

    chand jis aasman mein Duba

    kab usi aasman se nikla

    ye guhar jis ko aaftab kahen

    kis andhere ki kan se nikla

    shukr hai us ne bewafai ki

    main kaDe imtihan se nikla

    log dushman hue usi ke 'shakeb'

    kaam jis mehrban se nikla

    Source:

    • Book : Kulliyat Shakeb Jamali (Pg. 161)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY