aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

aaine se parda kar ke dekha jae

Bharat Bhushan Pant

aaine se parda kar ke dekha jae

Bharat Bhushan Pant

MORE BYBharat Bhushan Pant

    ā.īne se pardā kar ke dekhā jaa.e

    ḳhud ko itnā tanhā kar ke dekhā jaa.e

    ham bhī to dekheñ ham kitne sachche haiñ

    ḳhud se bhī ik va.ada kar ke dekhā jaa.e

    dīvāroñ ko chhoTā karnā mushkil hai

    apne qad ko ūñchā kar ke dekhā jaa.e

    rātoñ meñ ik sūraj bhī dikh jā.egā

    har manzar ko ulTā kar ke dekhā jaa.e

    dariyā ne bhī tarsāyā hai pyāsoñ ko

    dariyā ko bhī pyāsā kar ke dekhā jaa.e

    ab āñkhoñ se aur na dekhā jā.egā

    ab āñkhoñ ko andhā kar ke dekhā jaa.e

    ye sapne to bilkul sachche lagte haiñ

    in sapnoñ ko sachchā kar ke dekhā jaa.e

    ghar se nikal kar jaatā huuñ maiñ roz kahāñ

    ik din apnā pīchhā kar ke dekhā jaa.e

    aaine se parda kar ke dekha jae

    KHud ko itna tanha kar ke dekha jae

    hum bhi to dekhen hum kitne sachche hain

    KHud se bhi ek wada kar ke dekha jae

    diwaron ko chhoTa karna mushkil hai

    apne qad ko uncha kar ke dekha jae

    raaton mein ek suraj bhi dikh jaega

    har manzar ko ulTa kar ke dekha jae

    dariya ne bhi tarsaya hai pyason ko

    dariya ko bhi pyasa kar ke dekha jae

    ab aankhon se aur na dekha jaega

    ab aankhon ko andha kar ke dekha jae

    ye sapne to bilkul sachche lagte hain

    in sapnon ko sachcha kar ke dekha jae

    ghar se nikal kar jata hun main roz kahan

    ek din apna pichha kar ke dekha jae

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now