ajab KHun-chakan karbala ka saman tha

ajab ḳhūñ-chakāñ karbalā kā samāñ thā

the sab tishna-lab aur dariyā ravāñ thā

musībat ke māroñ kā ik kārvāñ thā

har ik ġham-zada būḌhā bachcha javāñ thā

thā ik ālam-e-hashr har samt goyā

thā bad-hāl har shaḳhs jo bhī jahāñ thā

sisakte the bachche bilaktī thiiñ maa.eñ

jo insān bhī pyaas se nā-tavāñ thā

sitam aaj bhī us kā vird-e-zabāñ hai

yazīd-e-la.īñ jo vahāñ hukmarāñ thā

thā ḳhemoñ meñ kohrām jo jal rahe the

har ek samt jaise dhuāñ hī dhuāñ thā

huā karbalā meñ jo qurbān 'barqī'

husain ibn-e-haidar kā vo ḳhāndāñ thā

ajab KHun-chakan karbala ka saman tha

the sab tishna-lab aur dariya rawan tha

musibat ke maron ka ek karwan tha

har ek gham-zada buDha bachcha jawan tha

tha ek aalam-e-hashr har samt goya

tha bad-haal har shaKHs jo bhi jahan tha

sisakte the bachche bilakti thin maen

jo insan bhi pyas se na-tawan tha

sitam aaj bhi us ka wird-e-zaban hai

yazid-e-lain jo wahan hukmaran tha

tha KHemon mein kohram jo jal rahe the

har ek samt jaise dhuan hi dhuan tha

hua karbala mein jo qurban 'barqi'

husain ibn-e-haidar ka wo KHandan tha