anjuman se mujhe is tarah uThane wale

anjuman se mujhe is tarah uThāne vaale

uñgliyāñ tujh pe uThā.eñge zamāne vaale

haa.e kuchh tujh ko nahīñ merī tamanna kā lihāz

merī jānib se nazar pher ke jaane vaale

sochtā huuñ ki tirī chashm-e-karam hone tak

mujh ko afsāna banā deñge zamāne vaale

raunaq-e-bazm baḌhānā hī nahīñ kaam apnā

ham haiñ sahrā ko bhī gulzār banāne vaale

iqtizā vaqt kā jo chāhe karā le varna

ham na the ġhair ke ehsān uThāne vaale

kyā batāoge sabab girya-e-ġham kā 'nāzim'

pūchh baiTheñge agar tum se zamāne vaale

anjuman se mujhe is tarah uThane wale

ungliyan tujh pe uThaenge zamane wale

hae kuchh tujh ko nahin meri tamanna ka lihaz

meri jaanib se nazar pher ke jaane wale

sochta hun ki teri chashm-e-karam hone tak

mujh ko afsana bana denge zamane wale

raunaq-e-bazm baDhana hi nahin kaam apna

hum hain sahra ko bhi gulzar banane wale

iqtiza waqt ka jo chahe kara le warna

hum na the ghair ke ehsan uThane wale

kya bataoge sabab girya-e-gham ka 'nazim'

puchh baiThenge agar tum se zamane wale