asbab-e-hast rah mein luTana paDa mujhe

asbāb-e-hast rah meñ luTānā paḌā mujhe

phir ḳhālī haath dahr se jaanā paḌā mujhe

sab log tere shahr ke māzī-parast the

mushkil se haal meñ unheñ laanā paḌā mujhe

pahle banā.e aañkh meñ ḳhvāboñ ke maqbare

phir hasratoñ ko dil meñ dabānā paḌā mujhe

mujh ko to ḳhair ḳhāna-badoshī hī raas thī

tere liye makān banānā paḌā mujhe

kuchh aur jab rahā na zariya ma.āsh kā

kāñdhoñ pe bār-e-ishq uThānā paḌā mujhe

duniyā ye ghūmtī rahe parkār kī tarah

ik dā.era zamīñ pe banānā paḌā mujhe

ik din ye jī meñ aa.ī vo āñkheñ hī phoḌ duuñ

jin ke liye azaab uThānā paḌā mujhe

apne muāmle meñ hī shiddat-pasand thī

apne liye hī jaan se jaanā paḌā mujhe

asbab-e-hast rah mein luTana paDa mujhe

phir KHali hath dahr se jaana paDa mujhe

sab log tere shahr ke mazi-parast the

mushkil se haal mein unhen lana paDa mujhe

pahle banae aankh mein KHwabon ke maqbare

phir hasraton ko dil mein dabana paDa mujhe

mujh ko to KHair KHana-badoshi hi ras thi

tere liye makan banana paDa mujhe

kuchh aur jab raha na zariya maash ka

kandhon pe bar-e-ishq uThana paDa mujhe

duniya ye ghumti rahe parkar ki tarah

ek daera zamin pe banana paDa mujhe

ek din ye ji mein aai wo aankhen hi phoD dun

jin ke liye azab uThana paDa mujhe

apne muamle mein hi shiddat-pasand thi

apne liye hi jaan se jaana paDa mujhe