baat aisi bhi koi nahin ki mohabbat bahut ziyaada hai

Zafar Iqbal

baat aisi bhi koi nahin ki mohabbat bahut ziyaada hai

Zafar Iqbal

MORE BY Zafar Iqbal

    baat aisī bhī koī nahīñ ki mohabbat bahut ziyāda hai

    lekin ham donoñ se us tāqat bahut ziyāda hai

    aap ke pīchhe pīchhe phirne se to rahe is umr meñ ham

    raah pe aa baiThe haiñ ye bhī ġhanīmat bahut ziyāda hai

    ishq udāsī ke paiġhām to laatā rahtā hai din raat

    lekin ham ko ḳhush rahne aadat bahut ziyāda hai

    kaam to kaafī rahtā hai lekin karnā hai kis ne yahāñ

    be-shak roz idhar aa niklo fursat bahut ziyāda hai

    kyā kuchh ho na sakā ham se aur hone vaalā hai kyā kuchh

    hasrat bhī kaafī hai lekin hairat bahut ziyāda hai

    sair karke aa jā.eñge phir bāzār-e-tamāshā

    jis shai ko bhī haath lagā.eñ qīmat bahut ziyāda hai

    us tavajjoh hāsil aur biich meñ sab kuchh chhoḌ diyā

    hikmat jitnī bhī ho is meñ himāqat bahut zyāda hai

    ishq hai kis ko yaad ki ham to Darte rahte haiñ sadā

    husn vo jaisā bhī hai us dahshat bahut zyāda hai

    ek chiiz jo apnī rasā.ī se bāhar hai kahīñ 'zafar'

    sach pūchho to is hameñ zarūrat bahut zyāda hai

    baat aisi bhi koi nahin ki mohabbat bahut ziyaada hai

    lekin hum donon se us ki taqat bahut ziyaada hai

    aap ke pichhe pichhe phirne se to rahe is umr mein hum

    rah pe aa baiThe hain ye bhi ghanimat bahut ziyaada hai

    ishq udasi ke paigham to lata rahta hai din raat

    lekin hum ko KHush rahne ki aadat bahut ziyaada hai

    kaam to kafi rahta hai lekin karna hai kis ne yahan

    be-shak roz idhar aa niklo fursat bahut ziyaada hai

    kya kuchh ho na saka hum se aur hone wala hai kya kuchh

    hasrat bhi kafi hai lekin hairat bahut ziyaada hai

    sair hi karke aa jaenge phir bazar-e-tamasha ki

    jis shai ko bhi hath lagaen qimat bahut ziyaada hai

    us ki tawajjoh hasil ki aur bich mein sab kuchh chhoD diya

    hikmat jitni bhi ho is mein himaqat bahut zyaada hai

    ishq hai kis ko yaad ki hum to Darte hi rahte hain sada

    husn wo jaisa bhi hai us ki dahshat bahut zyaada hai

    ek chiz jo apni rasai se bahar hai kahin 'zafar'

    sach puchho to is ki hamein zarurat bahut zyaada hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites