baat be-baat ulajhte ho bhala baat hai kya

baat be-bāt ulajhte ho bhalā baat hai kyā

mere andar kī balāoñ se mulāqāt hai kyā

ham to us pastī-e-ehsās pe jiite haiñ jahāñ

ye bhī ma.alūm nahīñ jiit hai kyā maat hai kyā

dhund meñ Duub gayā dil kā muhaddab adsa

kaun batlā.e sar-e-arz-o-samāvāt hai kyā

dard kā ġhār-e-hirā dil meñ kiyā hai ta.amīr

mujh ko ma.alūm nahīñ tarz-e-ibādāt hai kyā

ai mire lafz kā qad nāpne vaale ye batā

tū jo aayā hai muqābil tirī auqāt hai kyā

baat be-baat ulajhte ho bhala baat hai kya

mere andar ki balaon se mulaqat hai kya

hum to us pasti-e-ehsas pe jite hain jahan

ye bhi malum nahin jit hai kya mat hai kya

dhund mein Dub gaya dil ka muhaddab adsa

kaun batlae sar-e-arz-o-samawat hai kya

dard ka ghaar-e-hira dil mein kiya hai tamir

mujh ko malum nahin tarz-e-ibaadat hai kya

ai mere lafz ka qad napne wale ye bata

tu jo aaya hai muqabil teri auqat hai kya