bahut se sail-e-hawadis ki zad pe bah gae hain
bahut se sail-e-havādis kī zad pe bah ga.e haiñ
ye chand ek daraḳhtān-e-sabz rah ga.e haiñ
makīn dasht ke fil-faur dasht chhoḌ ga.e
ki sher-zād ḳhamoshī se vaar sah ga.e haiñ
zamīn bāñjh hai nāzād ho ga.e khaliyān
agarche sub.h o masā baar baar gah ga.e haiñ
parindgāñ! tumheñ kuchh bhī ḳhabar na ho paa.ī
daraḳht Dhe ga.e ambār-e-āb bah ga.e haiñ
bahār ab ke jo guzrī to phir na aa.egī
bichhaḌne vaale bichhaḌte samay ye kah ga.e haiñ
bahut se sail-e-hawadis ki zad pe bah gae hain
ye chand ek daraKHtan-e-sabz rah gae hain
makin dasht ke fil-faur dasht chhoD gae
ki sher-zad KHamoshi se war sah gae hain
zamin banjh hai nazad ho gae khaliyan
agarche subh o masa bar bar gah gae hain
parindgan! tumhein kuchh bhi KHabar na ho pai
daraKHt Dhe gae ambar-e-ab bah gae hain
bahaar ab ke jo guzri to phir na aaegi
bichhaDne wale bichhaDte samay ye kah gae hain
Source:
Shakh-e-Zaryab (Pg. 45)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
