bante hi shahr ka ye dekhiye viran hona

bante hī shahr kā ye dekhiye vīrāñ honā

aañkh khulte hī mirā dahr meñ giryāñ honā

dil kī mere jo koī shomi-e-qismat dekhe

bāvar aa jaa.e gulistāñ kā bayābāñ honā

chashm-o-abrū ke liye ashk haiñ sāz-o-naġhma

merā girya mirī āñkhoñ kā ġhazal-ḳhvāñ honā

zaḳhm haiñ lāla-o-gul partav-e-sehn-e-gulshan

dekhiye dil kā mire rashk-e-gulistāñ honā

dasht-e-paimā.ī se be-zār tamannā.eñ haiñ

baar hai un ko mire qalb kā mehmāñ honā

in meñ kyā farq hai ab is kā bhī ehsās nahīñ

dard aur dil kā zarā dekhiye yaksāñ honā

ab nazar aate ho masjid meñ jabāb-e-'mehdī'

sheb meñ tum ko mubārak ho musalmāñ honā

bante hi shahr ka ye dekhiye viran hona

aankh khulte hi mera dahr mein giryan hona

dil ki mere jo koi shomi-e-qismat dekhe

bawar aa jae gulistan ka bayaban hona

chashm-o-abru ke liye ashk hain saz-o-naghma

mera girya meri aankhon ka ghazal-KHwan hona

zaKHm hain lala-o-gul partaw-e-sehn-e-gulshan

dekhiye dil ka mere rashk-e-gulistan hona

dasht-e-paimai se be-zar tamannaen hain

bar hai un ko mere qalb ka mehman hona

in mein kya farq hai ab is ka bhi ehsas nahin

dard aur dil ka zara dekhiye yaksan hona

ab nazar aate ho masjid mein jabab-e-'mehdi'

sheb mein tum ko mubarak ho musalman hona