bhala kab dekh sakta hun ki gham nakaam ho jae

Nushur Wahidi

bhala kab dekh sakta hun ki gham nakaam ho jae

Nushur Wahidi

MORE BYNushur Wahidi

    bhalā kab dekh saktā huuñ ki ġham nākām ho jaa.e

    jo ārām-e-dil-o-jāñ hai vo be-ārām ho jaa.e

    mohabbat kyā agar yuuñ sūrat-e-ilzām ho jaa.e

    nazar nākām aur zauq-e-nazar badnām ho jaa.e

    qayāmat hai agar yuuñ zindagī nākām ho jaa.e

    vo pahlū meñ na hoñ aur garmiyoñ shaam ho jaa.e

    ġham-e-dil hai magar āḳhir ġham-e-dil kyā kahe koī

    fasāna muḳhtasar ho kar jab un naam ho jaa.e

    mohabbat rah chukī aur mātam-e-anjām baaqī hai

    vo āñkheñ ashk bhar laa.eñ to apnā kaam ho jaa.e

    baḌī hasrat se insāñ bachpane ko yaad kartā hai

    ye phal pak kar dobāra chāhtā hai ḳhaam ho jaa.e

    jiyā lekin mirā jiinā kisī ke bhī na kaam aayā

    maiñ martā huuñ ki shāyad zindagī paiġhām ho jaa.e

    'nushūr' ahbāb-e-ḳhush-dil ko zarā hañs bol lene do

    qayāmat hai agar ehsās-e-shā.ir aam ho jaa.e

    bhala kab dekh sakta hun ki gham nakaam ho jae

    jo aaram-e-dil-o-jaan hai wo be-aram ho jae

    mohabbat kya agar yun surat-e-ilzam ho jae

    nazar nakaam aur zauq-e-nazar badnam ho jae

    qayamat hai agar yun zindagi nakaam ho jae

    wo pahlu mein na hon aur garmiyon ki sham ho jae

    gham-e-dil hai magar aaKHir gham-e-dil kya kahe koi

    fasana muKHtasar ho kar jab un ka nam ho jae

    mohabbat rah chuki aur matam-e-anjam baqi hai

    wo aankhen ashk bhar laen to apna kaam ho jae

    baDi hasrat se insan bachpane ko yaad karta hai

    ye phal pak kar dobara chahta hai KHam ho jae

    jiya lekin mera jina kisi ke bhi na kaam aaya

    main marta hun ki shayad zindagi paigham ho jae

    'nushur' ahbab-e-KHush-dil ko zara hans bol lene do

    qayamat hai agar ehsas-e-shair aam ho jae

    RECITATIONS

    Nomaan Shauque

    Nomaan Shauque

    Nomaan Shauque

    bhala kab dekh sakta hun ki gham nakaam ho jae Nomaan Shauque

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY