bhula-bisra KHwab hue hum

bhūlā-bisrā ḳhvāb hue ham

kuchh aise nāyāb hue ham

dariyā ban kar suukh ga.e the

qatre se sairāb hue ham

jaane kis manzar se guzre

pal-bhar meñ barfāb hue ham

ḳhud apnī hī gahrā.ī meñ

āḳhir ko ġharqāb hue ham

ḳhvāboñ kī ta.abīr bhī dekheñ

itne kab ḳhush-ḳhvāb hue ham

baat zabāñ par lā kar 'saifī'

be-vaq.at be-āb hue ham

bhula-bisra KHwab hue hum

kuchh aise nayab hue hum

dariya ban kar sukh gae the

qatre se sairab hue hum

jaane kis manzar se guzre

pal-bhar mein barfab hue hum

KHud apni hi gahrai mein

aaKHir ko gharqab hue hum

KHwabon ki tabir bhi dekhen

itne kab KHush-KHwab hue hum

baat zaban par la kar 'saifi'

be-waqat be-ab hue hum