bulandiyon se utar kar kabhi pukar mujhe

bulandiyoñ se utar kar kabhī pukār mujhe

azal se tere karam kā hai intizār mujhe

tire jamāl-e-shafaq-rañg kā zuhūr huuñ maiñ

milā hai terī tamāzat se ye vaqār mujhe

tavīl umr se fikr-o-nazar kī qaid meñ huuñ

nigāh-e-vaqt kī suulī se ab utaar mujhe

tirī vafā kā bharam merī zaat se mansūb

muḳhālifoñ kī safoñ meñ na kar shumār mujhe

haqīqatoñ ko samajh maslahat-shanās na ban

fasīl-e-jabr se ḳhud bhī nikal ubhār mujhe

tirī talab kī kaḌī dhuup meñ bhī huuñ lekin

atā ho abr-e-karam peḌ sāya-dār mujhe

maiñ tīrgī ko amānat tirī samajhtā huuñ

tū raushnī hai to koī kiran utaar mujhe

bulandiyon se utar kar kabhi pukar mujhe

azal se tere karam ka hai intizar mujhe

tere jamal-e-shafaq-rang ka zuhur hun main

mila hai teri tamazat se ye waqar mujhe

tawil umr se fikr-o-nazar ki qaid mein hun

nigah-e-waqt ki suli se ab utar mujhe

teri wafa ka bharam meri zat se mansub

muKHalifon ki safon mein na kar shumar mujhe

haqiqaton ko samajh maslahat-shanas na ban

fasil-e-jabr se KHud bhi nikal ubhaar mujhe

teri talab ki kaDi dhup mein bhi hun lekin

ata ho abr-e-karam peD saya-dar mujhe

main tirgi ko amanat teri samajhta hun

tu raushni hai to koi kiran utar mujhe