chal man liya sahab-e-kirdar nahin hun
chal maan liyā sāhab-e-kirdār nahīñ huuñ
par terī tarah hāzir-e-darbār nahīñ huuñ
dushman hai musāfir to use saaf batā do
dīvār huuñ maiñ sāya-e-dīvār nahīñ huuñ
atrāf meñ har chiiz kā idrāk hai mujh ko
ḳhvāboñ meñ ghirā dīda-e-bedār nahīñ huuñ
ḳhāmosh hī rahnā hai mire vāste behtar
maiñ aap kā pairāya-e-iz.hār nahīñ huuñ
ab to hadaf-e-sañg-e-malāmat na banāo
ab to maiñ sar-e-kūcha-e-dildār nahīñ huuñ
dil toḌne vaale ko ḳhabar ho ki abhī maiñ
sar-tā-ba-qadam ik dil-e-bīmār nahīñ huuñ
chal man liya sahab-e-kirdar nahin hun
par teri tarah hazir-e-darbar nahin hun
dushman hai musafir to use saf bata do
diwar hun main saya-e-diwar nahin hun
atraf mein har chiz ka idrak hai mujh ko
KHwabon mein ghira dida-e-bedar nahin hun
KHamosh hi rahna hai mere waste behtar
main aap ka pairaya-e-izhaar nahin hun
ab to hadaf-e-sang-e-malamat na banao
ab to main sar-e-kucha-e-dildar nahin hun
dil toDne wale ko KHabar ho ki abhi main
sar-ta-ba-qadam ek dil-e-bimar nahin hun
Source:
Urdu Gazal ka Magribi Daricha (Pg. 84)
- Author: Dr. Jawaz Jafri
-
- Edition: 2011
- Publisher: Kitab Saray, Lahore
- Year of Publication: 2011
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
