charagh hath mein ho to hawa musibat hai

charāġh haath meñ ho to havā musībat hai

so mujh marīz-e-anā ko shifā musībat hai

sahūlateñ to mujhe raas hī nahīñ ātīñ

qubūliyat kī ghaḌī meñ duā musībat hai

uThā.e phirtā rahā maiñ bahut mohabbat ko

phir ek din yūñhī sochā ye kyā musībat hai

maiñ aaj Duub chalā ret ke samundar meñ

chahār-samt ye raqs-e-havā musībat hai

ḳhud-āgahī kā jo mujh par nuzūl jaarī huā

maiñ kyā kahūñ ki ye rahmat hai yā musībat hai

bahut jachā hai ye be-dāġh pairahan mujh par

go ḳhāk-zād ko aisī qabā musībat hai

maiñ kam hī rahtā huuñ 'anjum' ḳhudā kī sohbat meñ

gunāhgār ko ḳhauf-e-ḳhudā musībat hai

charagh hath mein ho to hawa musibat hai

so mujh mariz-e-ana ko shifa musibat hai

sahulaten to mujhe ras hi nahin aatin

qubuliyat ki ghaDi mein dua musibat hai

uThae phirta raha main bahut mohabbat ko

phir ek din yunhi socha ye kya musibat hai

main aaj Dub chala ret ke samundar mein

chahaar-samt ye raqs-e-hawa musibat hai

KHud-agahi ka jo mujh par nuzul jari hua

main kya kahun ki ye rahmat hai ya musibat hai

bahut jacha hai ye be-dagh pairahan mujh par

go KHak-zad ko aisi qaba musibat hai

main kam hi rahta hun 'anjum' KHuda ki sohbat mein

gunahgar ko KHauf-e-KHuda musibat hai