chashm-e-zahir-bin ko har ek pesh-manzar aashna

Abbas Alvi

chashm-e-zahir-bin ko har ek pesh-manzar aashna

Abbas Alvi

MORE BY Abbas Alvi

    chashm-e-zāhir-bīñ ko har ik pesh-manzar āshnā

    mil nahīñ saktā tujhe ab mujh se behtar āshnā

    zarf terā mujh pe raushan ho gayā hai is tarah

    jis tarah qatre se hotā hai samundar āshnā

    TūTnā taqdīr us toḌnā us ḳhamīr

    ġhair mumkin hai na ho shīshe se patthar āshnā

    har tarah ke phuul haiñ dil zamīñ par dekhiye

    kis tarah kah duuñ nahīñ siine se ḳhanjar āshnā

    maiñ ne chaTTānoñ pe gul-būTe tarāshe haiñ bahut

    aap nazreñ bhī hotīñ kaash manzar-āshnā

    jāntā huuñ kaun kyā hai aap kyuuñ deñ mashvara

    maiñ luTeroñ se bhī vāqif aur rahbar-āshnā

    chashm-e-zahir-bin ko har ek pesh-manzar aashna

    mil nahin sakta tujhe ab mujh se behtar aashna

    zarf tera mujh pe raushan ho gaya hai is tarah

    jis tarah qatre se hota hai samundar aashna

    TuTna taqdir us ki toDna us ka KHamir

    ghair mumkin hai na ho shishe se patthar aashna

    har tarah ke phul hain dil ki zamin par dekhiye

    kis tarah kah dun nahin sine se KHanjar aashna

    main ne chaTTanon pe gul-buTe tarashe hain bahut

    aap ki nazren bhi hotin kash manzar-ashna

    jaanta hun kaun kya hai aap kyun den mashwara

    main luTeron se bhi waqif aur rahbar-ashna

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites