chhane honge sahra jis ne wo hi jaan saka hoga

Sabir Zafar

chhane honge sahra jis ne wo hi jaan saka hoga

Sabir Zafar

MORE BYSabir Zafar

    chhāne hoñge sahrā jis ne vo jaan sakā hogā

    miTTī meñ ham jaise mile haiñ kam koī ḳhaak huā hogā

    ulTe sīdhe girte-paḌte chal paḌte haiñ is liye ham

    manzil par le jaane vaalā koī to naqsh-e-pā hogā

    itnī saj-dhaj se jo chale the qāfile vo haiñ Thahar ga.e

    hogā havā-e-sahrā jaisā aage jo bhī gayā hogā

    kuchh hone se an-hone se farq to paḌne vaalā nahīñ

    ho nahīñ paayā ab tak kuchh bhī hogā bhī to kyā hogā

    muḌ ke jo aa nahīñ paayā hogā us kūche meñ ke 'zafar'

    ham jaisā be-bas hogā ham jaisā tanhā hogā

    chhane honge sahra jis ne wo hi jaan saka hoga

    miTTi mein hum jaise mile hain kam koi KHak hua hoga

    ulTe sidhe girte-paDte chal paDte hain is liye hum

    manzil par le jaane wala koi to naqsh-e-pa hoga

    itni saj-dhaj se jo chale the qafile wo hain Thahar gae

    hoga hawa-e-sahra jaisa aage jo bhi gaya hoga

    kuchh hone se an-hone se farq to paDne wala nahin

    ho nahin paya ab tak kuchh bhi hoga bhi to kya hoga

    muD ke jo aa nahin paya hoga us kuche mein ja ke 'zafar'

    hum jaisa be-bas hoga hum jaisa tanha hoga

    Source :
    • Book : Quarterly TASTEER Lahore (Pg. 612)
    • Author : Naseer Ahmed Nasir
    • Publication : H.No.-21, Street No. 2, Phase II, Bahriya Town, Rawalpindi (Issue No. 1, 2, Jan To June.2011)
    • Edition : Issue No. 1, 2, Jan To June.2011
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY