dagh duniya ne diye zaKHm zamane se mile

Kaif Bhopali

dagh duniya ne diye zaKHm zamane se mile

Kaif Bhopali

MORE BY Kaif Bhopali

    daaġh duniyā ne diye zaḳhm zamāne se mile

    ham ko tohfe ye tumheñ dost banāne se mile

    ham taraste taraste taraste rahe

    vo falāne se falāne se falāne se mile

    ḳhud se mil jaate to chāhat bharam rah jaatā

    kyā mile aap jo logoñ ke milāne se mile

    maañ āġhosh meñ kal maut āġhosh meñ aaj

    ham ko duniyā meñ ye do vaqt suhāne se mile

    kabhī likhvāne ga.e ḳhat kabhī paḌhvāne ga.e

    ham hasīnoñ se isī hiile bahāne se mile

    ik nayā zaḳhm milā ek na.ī umr milī

    jab kisī shahr meñ kuchh yaar purāne se mile

    ek ham nahīñ phirte haiñ liye qissa-e-ġham

    un ke ḳhāmosh laboñ par bhī fasāne se mile

    kaise māneñ ki unheñ bhuul gayā ai 'kaif'

    un ke ḳhat aaj hameñ tere sirhāne se mile

    dagh duniya ne diye zaKHm zamane se mile

    hum ko tohfe ye tumhein dost banane se mile

    hum taraste hi taraste hi taraste hi rahe

    wo falane se falane se falane se mile

    KHud se mil jate to chahat ka bharam rah jata

    kya mile aap jo logon ke milane se mile

    man ki aaghosh mein kal maut ki aaghosh mein aaj

    hum ko duniya mein ye do waqt suhane se mile

    kabhi likhwane gae KHat kabhi paDhwane gae

    hum hasinon se isi hile bahane se mile

    ek naya zaKHm mila ek nai umr mili

    jab kisi shahr mein kuchh yar purane se mile

    ek hum hi nahin phirte hain liye qissa-e-gham

    un ke KHamosh labon par bhi fasane se mile

    kaise manen ki unhen bhul gaya tu ai 'kaif'

    un ke KHat aaj hamein tere sirhane se mile

    Videos
    This video is playing from YouTube

    Videos
    This video is playing from YouTube

    Bharti Vishvanathan

    Bharti Vishvanathan

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY