dasht marub hai kitna meri virani se
dasht mar.ūb hai kitnā mirī vīrānī se
muñh takā kartā hai har dam mirā hairānī se
log dariyāoñ pe kyuuñ jaan diye dete haiñ
tishnagī kā to ta.alluq hī nahīñ paanī se
ab kisī bhaav nahīñ miltā ḳharīdār koī
gir ga.ī hai mirī qīmat mirī arzānī se
ḳhud pe sau jabr kiye dil ko bahut samjhāyā
raas aa.ī kahāñ duniyā hameñ āsānī se
ab ye samjhe ki añdherā bhī zarūrī shai hai
bujh ga.iiñ āñkheñ ujāloñ kī farāvānī se
ajnabī āhaTeñ anjān sadā.eñ mujh meñ
maiñ to baaz aayā ḳharābe kī nigahbānī se
aa gayā kaun ye aaj us ke muqābil 'aslam'
ā.īna TuuT gayā aks kī tābānī se
dasht marub hai kitna meri virani se
munh taka karta hai har dam mera hairani se
log dariyaon pe kyun jaan diye dete hain
tishnagi ka to talluq hi nahin pani se
ab kisi bhaw nahin milta KHaridar koi
gir gai hai meri qimat meri arzani se
KHud pe sau jabr kiye dil ko bahut samjhaya
ras aai kahan duniya hamein aasani se
ab ye samjhe ki andhera bhi zaruri shai hai
bujh gain aankhen ujalon ki farawani se
ajnabi aahaTen anjaan sadaen mujh mein
main to baz aaya KHarabe ki nigahbani se
aa gaya kaun ye aaj us ke muqabil 'aslam'
aaina TuT gaya aks ki tabani se
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
