daulat-e-haq mujhko hasil ho gai hai
Interesting Fact
January 2005
daulat-e-haq mujh ko hāsil ho ga.ī hai
zindagī ab aur mushkil ho ga.ī hai
ab nahīñ āsān duniyā se guzarnā
is kī parchhā.īñ muqābil ho ga.ī hai
log manzil kī taraf lapke haiñ lekin
bhiiḌ meñ ġhaflat bhī shāmil ho ga.ī hai
saath tūfān-e-havādis hai magar ab
zindagī nazdīk-e-sāhil ho ga.ī hai
dūsrī duniyāoñ kī chāhat meñ dekho
merī duniyā ḳhud se ġhāfil ho ga.ī hai
din haqā.eq se ulajhte kaT gayā phir
raat lekin nazr-e-bātil ho ga.ī hai
jab kabhī lafzoñ ko maiñ ne dī sadā.eñ
ik sadā-e-ġhaib nāzil ho ga.ī hai
daulat-e-haq mujh ko hasil ho gai hai
zindagi ab aur mushkil ho gai hai
ab nahin aasan duniya se guzarna
is ki parchhain muqabil ho gai hai
log manzil ki taraf lapke hain lekin
bhiD mein ghaflat bhi shamil ho gai hai
sath tufan-e-hawadis hai magar ab
zindagi nazdik-e-sahil ho gai hai
dusri duniyaon ki chahat mein dekho
meri duniya KHud se ghafil ho gai hai
din haqaeq se ulajhte kaT gaya phir
raat lekin nazr-e-baatil ho gai hai
jab kabhi lafzon ko main ne di sadaen
ek sada-e-ghaib nazil ho gai hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
